«Нұр-Шапағат-Құрылыс» компаниясы 2006 жылдан бері Жетісу облысындағы сәні мен сәулеті жарасқан талай ғимаратты салды. Сапалы жұмысы үшін жұрттың алғысына бөленіп келеді.
– Компания16 жылдан бері күрделі құрылыстарды салу, ғимараттарды жөндеу және қалпына келтіру жұмысымен айналысып келеді. Кез келген күрделі жобаны сәтті жүзеге асыра аламыз. Өйткені, білікті маман, тәжілибелі құрылысшы мен заманауый техникамыз жетерлік. Техникалық өндірістік базадағ жиһаз жасайтын цехта ағаш және пластиктен есік, терезе, басқа да құрылысқа қажет материалдар жасалады. Сонымен қатар, 10-нан астам арнайы техника, 10 тонналық кран, ауыр жүк көліктерінің көмегінде құрылыс жұмысы тоқтаусыз жүреді. Биыл қосымша 30 тоннаға дейін жүк көтере алатын шетелдік автокран сатып алдық, – дейді құрылыс компаниясының директоры Қайрат Кереев.
«Нұр Шапағат-Құрылыс» ЖШС салған ғимараттар көпке танымал. Оның кейбірі «Жұмыспен қамтудың жол картасы» бағдарламасы аясында салынған. Аталған компания 2008 жылдан бері Панфилов ауданында 60-тан аса ірі жобаны жүзеге асырды. Сол қатарда №18 көпсалалы колледжі, аудандық орталық аурухана, Пенжім ауылындағы балабақша, Жаркент жоғарғы гуманитарлық колледжі, Еңбекші, Жерұйық, Сарыбел, Қорғас орта мектептерін күрделі жөндеуден өткізсе, Пенжім ауылындағы амбулатория, Аққұдық ауылындағы орта мектепті жаңадан салып шықты. Бүгінде Шежін ауылындағы орта мектеп ғимаратына қосымша оқу корпусы мен асхана және спорт залын салып жатыр.
Мырзағали НҰРСЕЙІТ
Панфилов ауданы,
Жетісу облысы
