“Халық” қайырымдылық қоры Атырау облысындағы мұқтаж отбасыларға 1000 азық-түлік және дәрі-дәрмек жиынтығын жолдады, деп хабарлайды
“Халық” ҚҚ Қамқорлық кеңесінің төрайымы Динара Құлыбаеваның шешімі бойынша Атырау облысындағы мұқтаж және көп балалы отбасыларға бірінші кезекте ең қажетті азық-түлік, жуғыш және антисептикалық заттар, Қазақстан Республикасының аумағында сертификатталған және тіркелген дәрілік препараттардандәрі-дәрмек салынған 1000 қорап көмек көрсетілді.
Әр қораптың салмағы 60 келіден асатын азық-түлік және дәрі-дәрмек жиынтығында Атырау облысы Денсаулық сақтау басқармасымен келісілген және Қазақстан Республикасы Денсаулық сақтау министрлігі бекіткен COVID-19 емдеу хаттамасына енгізілген дәрілік препараттар, яғни “Азитромицин”, “Ципрофлоксацин”, “Амоксициллин”, “Ривароксабан”, “Бромгексин”, “Спиролактон”, “Аспирин”, “Аскорбин қышқылы”, “Нимесулид”, сондай-ақ жиынтықта – күріш, ұн, қарақұмық, макарон, өсімдік майы, шай, қант, бұқтырылған ет, қойылтылған сүт, тәттілер, жуғыш, антисептикалық құралдар және медициналық бетперделер бар.
Төтенше жағдай режимі енгізілген сәттен бастап “Халық” қайырымдылық қоры COVID-19 коронавирус инфекциясы салдарын жоюға бағытталған үлкен жұмыстарды атқарды. Төтенше жағдай салдарынан зардап шеккен көп балалы және аз қамтылған отбасыларға 20 000 астам азық-түлік жиынтығын тегін үлестіру, медицина қызметкерлеріне ақшалай төлемдер, қажетті медициналық жабдықтарды: ӨЖЖ аппараттарын, ПТР зертханалары және жедел жәрдем машиналары берілді. Көрсетілген көмектің жалпы сомасы 5 млрд 500 млн теңге болған.
«ЖЕТІСУ-АҚПАРАТ»
