2025 жылдың мамыр айында қазақстандықтарды бірқатар маңызды оқиғалар мен жаңашылдықтар күтуде. Ай бойы бірнеше мемлекеттік мерекелер аталып өтіледі, кейбір салаларда жұмыс тәртібі өзгереді, жаңа рейстер ашылады, ал әлеуметтік бастамалар мен заңнамалық өзгерістер күшіне енеді.
Мамыр айында елімізде үш ірі мемлекеттік мереке атап өтіледі:
-
1 мамыр – Қазақстан халқының бірлігі күні (бейсенбі)
-
7 мамыр – Отан қорғаушы күні (сәрсенбі)
-
9 мамыр – Жеңіс күні (жұма)
Барлық аталған күндер – ресми демалыс.
Бес күндік жұмыс аптасы бар азаматтар үшін демалыс күндері:
-
1 мамыр – демалыс
-
2 мамыр – жұмыс күні
-
3-4 мамыр – демалыс
-
7 мамыр – демалыс
-
9-11 мамыр – демалыс күндері
Алты күндік жұмыс аптасы бар азаматтар:
-
1, 7, 9 және 11 мамыр – демалыс
-
2, 3, 10 мамыр – жұмыс күндері
Жалпы алғанда, бес күндік жұмыс аптасы барлар – 12 күн демалса, алты күндік жұмыс аптасы барлар – 8 күн демалады.
Тұрғын үй кезегі жаңа жүйеге өтеді
24 мамырдан бастап, тұрғын үй кезегіне тұру және өтініш беру процесі жаңартылады. Енді барлық өтініштер «Тұрғын үймен қамтамасыз ету орталығы» атты электронды жүйеде тіркеледі. Жүйені «Отбасы банкі» басқарады.
Жаңа жүйенің артықшылықтары:
-
Жылжымайтын мүлік деректерін автоматты тексеру;
-
Отбасының әлеуметтік жағдайын талдау;
-
Адамдардың араласуынсыз кезек құру;
-
Сыбайлас жемқорлықтың алдын алу және әділ бөлу.
Жеңіс парады мен ардагерлерге төлем
7 мамыр күні, Астанада Жеңістің 80 жылдығына арналған әскери парад өтеді.
Оған 4 мыңнан астам әскери қызметкер, 300-ден аса техника және 60-қа жуық ұшақ пен тікұшақ қатысады.
Сондай-ақ, ардагерлерге біржолғы 5 миллион теңге көлемінде төлем беріледі.
Жедел жәрдем жұмысына өзгеріс енеді
1 мамырдан бастап жедел жәрдем қызметіне жаңа тәртіп енгізіледі:
-
МСАК мобилдік бригадалары таңғы 08:00-ден кешкі 20:00-ге дейін жұмыс істейді;
-
4-санаттағы шақыртулар (жоғары қысым, дене қызуы, жеңіл жарақаттар) күндізгі уақытта емханаларға бағытталады;
-
20:00-ден кейін және демалыс күндері барлық шақыртуларды бұрынғыдай жедел жәрдем бригадалары қабылдайды.
Шақыртуға келу уақыты:
-
1-санат – 10 минут
-
2-санат – 15 минут
-
3-санат – 30 минут
-
4-санат – 60 минут
Сұйытылған газды сыртқа шығаруға тыйым ұзарады
14 мамырдан бастап, сұйытылған мұнай газы, пропан және бутанды автомобиль және теміржол арқылы Қазақстаннан шығаруға алты ай мерзімге тыйым енгізілмек. Бұл – ел ішіндегі сұранысты қамтамасыз ету мақсатында қолға алынған уақытша шара.
Жаңа әуе рейстері ашылады
1 мамырдан бастап:
-
«Алматы – Семей – Алматы» – аптасына 3 рет
-
«Астана – Семей – Астана» – аптасына 1 рет
1 маусымнан бастап:
-
«FlyArystan»: «Шымкент – Семей – Шымкент» – аптасына 2 рет
-
«SCAT»: «Алматы – Үржар – Алматы», «Астана – Үржар – Астана» – аптасына 6 рет
Оқу жылы аяқталады
1 сәуірден бастап басталған IV тоқсан 25 мамырда аяқталады. Оқушылар үшін бұл – оқу жылының ресми аяқталатын күні.
«Жетісу-Ақпарат»
Фото: baq.kz
