Жетісу облысында көлік апатынан 4 адам зардап шекті, — деп хабарлайды 7-su.kz желілік басылымы облыстық Полиция департаментінің баспасөз қызметі дерегіне сүйеніп.
Аталған жағдай Ескелді ауданына қарасты Ақын Сара ауылында болды.
«21 маусымда ВАЗ-2114 автокөлігі аударылды. Оқиға кезінде жарақат алған 24-50 жас аралығындағы 4 ер адам ауруханаға жеткізілді. Алғашқы медициналық көмек көрсетілгеннен кейін үшеуі амбулаториялық емделуге жіберілді», — делінген Жетісу облыстық полиция департаменті баспасөз қызметінің хабарламасында.
Қазір Ескелді аудандық полиция қызметкерлері көлік апатының мән-жайын анықтауда.
Фото: көрнекілікке алынды
