Туризм және спорт министрлігі 28 сәуір мен 4 мамыр аралығында өтетін спорттық шаралар мен халықаралық жарыстардың кестесін жариялады. Қазақстанның түрлі спортшыларын әлемдік аренада көретін кезеңде бірнеше маңызды турнирлер мен чемпионаттар өтеді, деп хабарлайды 7-su.kz желілік басылымы.
28-30 сәуір – Велоспорттан Tour of Bostonlig Ladies халықаралық жарысы. Қазақстан намысын 5 спортшы қорғайды. Жарыс Өзбекстанның Газалкент қаласында өтеді.
29 сәуір – 1 мамыр – Ересектер арасындағы қазақ күресінен «Сарыарқа батырлары» Азия кубогі. Жарысқа еліміздің барлық облысынан, Астана, Алматы, Шымкент қалаларынан 180 спортшы қатысады. Бәсеке Қарағанды қаласында өтеді.
29 сәуір – 6 мамыр – Ауыр атлетикадан жасөспірімдер мен жастар арасындағы әлем чемпионаты. Қазақстан құрамасы атынан 5 спортшы бақ сынайды. Жарыс Лима қаласында, Перу мемлекетінде өтеді.
30 сәуір – 6 мамыр – Мәнерлеп сырғанаудан халықаралық турнир. Бұл жарысқа еліміздің 3 спортшысы қатысады. Турнир Таиландтың Бангкок қаласында өтеді.
30 сәуір – 6 мамыр – Жүзуден Acropolis Swim Open халықаралық турнирі. Жарысқа Қазақстан құрамасынан 6 спортшы қатысады. Бәсеке Грекияның Афина қаласында өтеді.
3-12 мамыр – Стенд атудан Әлем кубогі. Қазақстан атынан 6 спортшы қатысады. Бұл турнир Кипрдің Никосия қаласында өтеді.
4-9 мамыр – Күрес түрлерінен жастар арасындағы халықаралық турнир. Турнирге Қазақстанның жас палуандары қатысады. Жарыс Түркияның Анталия қаласында өтеді.
Бұл жарыстар ел спортшыларының әлемдік аренадағы жетістіктерін арттыруға үлкен мүмкіндік береді.
Фото: gov.kz
