Коронавирус жұқтырған Қазақстанның бұрынғы Денсаулық сақтау вице-министрі Камалжан Надыров ауруханадан шығарылды. Бұл туралы қазіргі Денсаулық сақтау вице-министрі Людмила Бюрабекова айтты.
— Камалжан Талғатұлы стационардан шығарылды, медициналық бақылауда, жағдайы қанағаттанарлық. Сараптама теріс нәтиже көрсетті, — деді ол.
Еске салайық, 22 сәуірде Камалжан Надыровтан коронавирус анықталғаны хабарланған еді. Ол вирус жұқтырар алдында Алматы, Жамбыл секілді бірнеше облысты аралап, індет ошақтарымен танысқан болатын.
— Өздеріңіз білетіндей, мен қазір елордадағы стационарлардың бірінде ем алып жатырмын. Бұл жаңалық осындай шу туғызады еп ойламаппын да. Қолдау көрсетіп, көп хабарлама жазғандарыңызды көрдім. Бұл, әрине, маған күш береді, сіздерге рақмет! Қуанышқа орай, ауру жеңіл түрде өтіп жатыр. Дәрігерлерімз бар күшін салып, кәсіби тұрғыда жұмыс істеп жатыр. Оларға рақмет, бас иемін, олар нағыз батырлар! — деген еді бұрынғы вице-министр.
«ЖЕТІСУ-АҚПАРАТ»
