«Алтын Емел» мемлекеттік ұлттық табиғи паркінің аумағында жүргізілген далалық зерттеу жұмыстары кезінде фототұзаққа сирек кездесетін жыртқыш Түркістан сілеусіні (Lynx lynx isabellinus) баласымен бірге түсіп қалды.
Бұл еліміздің оңтүстік өңірлерінде ғана тіршілік ететін, жойылып кету қаупі бар аң түрлерінің бірі. Түркістан сілеусіні – экожүйенің маңызды бөлігі, ол табиғи тепе-теңдікті сақтауда ерекше рөл атқарады.
Алынған бейнекадрлар ұлттық парк аумағындағы биоалуантүрліліктің сақталып келе жатқанын және жүргізіліп жатқан ғылыми-зерттеу жұмыстарының тиімділігін дәлелдейді.
Мұндай ерекше сәттер табиғатқа деген сүйіспеншілікті арттырып, оны қорғаудың маңыздылығын тағы бір рет еске салады.
«Жетісу-Ақпарат»
