Қазақстан Республикасы Президентінің экономикалық мәселелер жөніндегі көмекшісі Қанат Бисимбайұлы Шарлапаев «Самұрық-Қазына» ұлттық әл-ауқат қоры» АҚ директорлар кеңесіне мүше болып тағайындалды.
Қанат Шарлапаев туралы мәліметтер:
-
Туған жылы: 1981 жыл, Ресей Федерациясында дүниеге келген.
-
Білімі: Саратов әлеуметтік-экономикалық университеті және Ұлыбританиядағы Крэнфилд менеджмент мектебінің түлегі. Экономист, қаржы және басқару саласында магистр.
Еңбек жолы:
-
2003 жылы Ресейдегі «Петрокоммерц» банкінде клиенттермен жұмыс басқармасының менеджері болып еңбек жолын бастаған.
-
2006–2008 жылдары Лондон мен Прага қалаларында «Сити» инвестициялық банкінің Қаржы департаментінде түрлі лауазымдарда қызмет етті.
-
2008–2014 жылдары аталған банкте өңірлік дивизионда аға талдаушыдан бастап вице-президентке дейінгі лауазымдарды атқарды.
-
2014–2015 жылдары Еуропа, Таяу Шығыс және Африка бойынша стратегиялық жоспарлау мен талдауға жауапты вице-президент болды.
-
2015–2017 жылдары Қазақстандағы «Ситибанк» ұйымында бас қаржы директоры, басқарма төрағасының орынбасары және аға вице-президент болды.
-
2017–2020 жылдары Ресей, Украина және Қазақстан бойынша «Сити» банкінің бас қаржы директоры әрі аға вице-президенті қызметін атқарды.
-
2020 жылы БАӘ-де Африка, Таяу Шығыс және Шығыс Еуропа нарықтары бойынша стратегия, жоспарлау және талдау жөніндегі өңірлік директор болып тағайындалды.
-
2022 жылдың ақпан айынан бастап «Бәйтерек» ұлттық басқарушы холдингі» АҚ Басқарма төрағасы қызметін атқарды.
-
2023 жылдың 4 қыркүйегінде ҚР Өнеркәсіп және құрылыс министрі болып тағайындалды.
-
2025 жылдың 28 ақпанынан бастап Мемлекет басшысының экономикалық мәселелер жөніндегі көмекшісі қызметін атқаруда.
Осылайша, Қанат Шарлапаев еліміздің қаржы және басқару саласында мол тәжірибе жинақтаған маман ретінде стратегиялық маңызды құрылымға қосылып отыр.
«Жетісу-Ақпарат»
Фото: Ақорда
