Аймақтағы қоғамдық келісім орталығының бастамасымен қолға алынған бұл акцияның басты мақсаты – ардагерлерге құрмет көрсетіп, олардың еңбегін ұлықтау және әлеуметтік қолдау көрсету. Сонымен қатар ел жастарының патриоттық тәрбиесін күшейтіп, ұрпақтар сабақтастығының берік негізін қалыптастыруға бағытталған.
Сала жауаптыларының сөзінше, қамқорлық айлығы аясында ұйымдастырылған іс-шаралар барысында бүгінге дейін мамандар өңірдегі 20-дан астам соғыс және тыл ардагерлерінің үйіне барып арнайы азық-түлік себеттерін таратып, әлеуметтік қолдау көрсеткен. Ал «Асар» – халқымыздың ежелгі бірлік пен бауырмалдыққа негізделген дәстүрін жаңғырта отырып, қоғамдағы әлеуметтік ынтымақтастықты арттыруды көздейтін жоба. Жеңіс күнінмен орайласқан бұл айлық – ардагерлерге деген үлкен құрметтің жарқын көрінісі. Мұндай шаралар бұдан былай да өз жалғасын таппақ.
– Жалпы үлкенге құрмет көрсетіп, кішіні аялау ізеттілік. Бере-бірлікті бекемдеп, адамдардың бір-біріне деген бауырмалдылығын арттыратын мұндай істердің мәні зор. Оның үстіне «Қарты бар ел – қазыналы ел» деген. Сондықтан қарттарды қолдау қайырымды іс қана емес, адал адамгершіліктің айғағы,–дейді ұйымдастырушылар.
Еске сала кетсек, бүгінде Талдықорған қаласы бойынша 2 Ұлы Отан соғысының ардагері, 543 тыл еңбеккері тұрады. Оларға құрмет көрсету ортақ парыз.
Айдын КӘЛІМХАН
