5514 әскери бөлімінде сарбаздардың ата-аналарына арналған дәстүрлі «Армия глазами матерей» атты ашық есік күні өтті. Бұл іс-шара жыл сайын ұйымдастырылып, ата-аналарға Ұлттық ұландағы әскери қызметтің қыр-сырымен жан-жақты танысуға мүмкіндік береді.
Ашық есік күнінің басты мақсаты – ата-аналарға сарбаздардың күнделікті қызметі, олардың әскери даярлығы мен бөлімнің жалпы тыныс-тіршілігі туралы нақты түсінік беру. Шара барысында келген қонақтар әскери қалашықты аралап, оқу-жауынгерлік даярлық сабақтарының қалай өтетінін бақылап, казарма жағдайымен танысты.
Сонымен қатар ата-аналарға сарбаздардың саптық дайындығы, жауынгерлік техника үлгілері және әскери бөлімнің негізгі міндеттері таныстырылды. Әскери қызметшілер бөлімнің тарихы мен жетістіктері туралы айтып, қонақтардың сұрақтарына жауап алды.
Іс-шараның ең әсерлі бөлігі – ата-аналардың өз ұлдарын көруі, олардың әскердегі өмірімен мақтанып, сенімді түрде көз жеткізуі болды. «Армия глазами матерей» жобасы сарбаздардың жақындары мен әскери бөлім арасындағы өзара сенімді нығайтып, патриоттық тәрбиеге де оң ықпал етеді.
Ата-аналар ұйымдастырушыларға жылы лебіздерін білдіріп, Ұлттық ұлан сарбаздарының тәртібі мен дайындығына жоғары баға берді. Шара соңында естелік фотосуреттер түсіріліп, қонақтарға бөлім басшылығы алғыс айтты.
