Адвокаттың айтуынша, өтемақы негізгі айыпталушылар Шынасыл Абзал мен Равиль Сакиевтен өндіріліп, марқұмның әкесі Қаржаубай Нұрымов, анасы Гүлбара Бишімбиева және әжесі Жұмабике Қадырова арасында теңдей бөлінуі керек.
– Шынасыл Абзал мен Равиль Сакиевтен Қаржаубай Нұрымовтың пайдасына 100 миллион теңге көлемінде моральдық зиян өтемақысын өндіруді сұраймыз. Бұл сома марқұмның ата-анасы мен әжесіне – әрқайсысына 50 миллион теңгеден бөлінеді, – деді қорғаушы.
Сонымен қатар қорғаушы соттан басқа алты сотталушы – Белқожаев Шыңғыс, Әскентай Дархан, Ильясов Нұрқияс, Тоқтаубаев Азамат, Тоқтаубаев Нұрболат және Қалиахмет Дидардан Қаржаубай Нұрымовтың пайдасына әрқайсысынан 20 миллион теңгеден, яғни жалпы 120 миллион теңге өндіріп беруді сұрады.
– Осы алты сотталушыдан Бишімбиева Гүлбара мен Қадырова Жұмабикенің пайдасына да дәл осындай көлемде – әрқайсысынан 20 миллион теңгеден моральдық өтемақы өндіруді сұраймыз, – деді Шекеев.
