21 сәуірден бастап, облыс аумағында заңсыз сақталған атыс қаруы, оқ-дәрі және жарылғыш заттарды ерікті түрде тапсыру бойынша акция басталады. Бұл шара ішкі істер органдарының бастамасымен өткізіліп, азаматтардың қауіпсіздігін арттыру мен қару айналымын заңдастыруды көздейді.
Қару өткізгендерге – сыйақы мен жауапкершіліктен босату
Заңсыз сақталған қаруларды өз еркімен өткізген азаматтар:
-
Қылмыстық және әкімшілік жауапкершіліктен босатылады;
-
Қару-жарақтың түрі мен техникалық жағдайына қарай 10-нан 100 АЕК-ке дейін сыйақы алады.
Қандай құжаттар қажет?
Қару-жарақты полиция бөлімдеріне өткізу үшін келесі құжаттар қажет:
-
Жеке куәлік көшірмесі – 2 дана;
-
Кез келген банктен ашылған жеке 20 санды есепшот туралы анықтама – 2 дана;
-
Заңсыз сақтаудағы атыс қаруы, оқ-дәрі немесе жарылғыш зат.
Сыйақы көлемі қару-жарақтың пайдалануға жарамдылығына байланысты белгіленеді. Қару жарамды болса, төленетін өтемақы сомасы жоғары болады.
Қайда тапсыруға болады?
Азаматтар тұрғылықты мекенжайы бойынша аудандық полиция бөлімшесіне барып, жазбаша арыз негізінде қару-жарақтарын өткізе алады. Бұл үдеріс құпия түрде жүргізіледі және ешқандай заңдық салдарға әкелмейді.
«Жетісу-Ақпарат»
Фото: total.kz
