2025 жылғы 18 сәуір күні Астана қаласында республикалық деңгейде ұйымдастырылған «KERUEN SCIENCE» жасөспірімдер олимпиадасында еліміздің түкпір-түкпірінен жиналған 7-8 сынып оқушылары өз білімдерін сарапқа салды. Олимпиада химия және биология пәндері бойынша өтті. Зияткерлік додада Жетісу облысының атынан қатысқан оқушылар сәтті өнер көрсетіп, жүлделі орындарға ие болды.
Химия пәні бойынша жүлдегерлер:
ІІ орын — Талдықорған қаласындағы “БІЛІМ-ИННОВАЦИЯ” мамандандырылған лицей-интернатының 8-сынып оқушысы Айсері Нұрберген. Жетекшісі – Еламан Сагандыков;
ІІ орын — Талдықорған қаласы, №20 мамандандырылған лицейінің 7-сынып оқушысы Илияс Исимбаев. Жетекшісі – Оксана Саржанова;
ІІІ орын — “БІЛІМ-ИННОВАЦИЯ” мамандандырылған лицей-интернатының 8-сынып оқушысы Ислам Куанышпеков. Жетекшісі – Еламан Сагандыков;
ІІІ орын — №20 мамандандырылған лицейдің 7-сынып оқушысы Назерке Тұрархан. Жетекшісі – Индира Құрманғазина.
Биология пәні бойынша жүлдегерлер:
ІІІ орын — №20 мамандандырылған лицейдің 7-сынып оқушысы Айкөркем Құттыбек. Жетекшісі – Галия Сейфулдинова;
ІІІ орын — “БІЛІМ-ИННОВАЦИЯ” мамандандырылған лицей-интернатының 8-сынып оқушысы Ерсұлтан Мақашев. Жетекшісі – Жахонгир Абибуллаев.
Бұл жетістіктер – ұстаздар мен оқушылардың қажырлы еңбегі мен үздіксіз ізденісінің нәтижесі. Зияткерлік білім бәйгесінде жүзден жүйрік шыққан жас дарындарымызды шын жүректен құттықтаймыз!
«Олимпиада мен үшін үлкен тәжірибе болды. Әсіресе, биология пәніне деген қызығушылығым бұрынғыдан да артты. Дайындық кезінде көп жаңалық үйрендім, терең білім алуға деген ұмтылыс пайда болды. Маған осындай мүмкіндік сыйлаған ұстаздарыма, ата-анама және “Жетісу дарыны” облыстық дарынды балалар мен талантты жастарды анықтау және қолдау оқу-әдістемелік орталығына үлкен алғыс айтамын. Бұл жетістік – барлығымыздың ортақ еңбегіміздің нәтижесі!», — деп әсерімен бөлісті жүлделі орын иегері Айкөркем Құттыбек.
Жетісу білімінің жарқын болашағы – жас зияткерлердің қолында!
«Жетісу-Ақпарат»
