Қауіпті індеттің таралуы күн санап артып, ауру асқынып барады. Бұл кеселді жеңудің бірден-бір жолы — екпе салдыру. Бұл туралы мамандар дабыл қағып, тұрғындар арасында жан-жақты түсіндірме жұмыстарын жүргізіп, жаппай екпе алуға шақыруда.
Ақсу ауданында вакцинациялау жұмыстары қарқынды жүргізіліп жатыр. 3 наурыздан бастап 950 адам екпе салдырды. Ауданымызда барлық ауылдық округтерде 18 екпе егу пункті жұмыстарын бастауда. Екпе аламын деп ниет білдірген тұрғындар сол жерлерде екпе салдыруына болады.
Ресейлік «Спутник-V» вакцинасы екі компоненттен тұрады. Араға 21 күн салып екінші компоненті егіледі. Бұл жайында аудан тұрғындарына түсіндіру жұмыстары жүргізілуде. «Ауырып ем іздегенше, ауырмайтын жол ізде», — деген дана халқымыз. Сол себепті екпе салдыруға барша тұрғындарды шақырамыз.
Мағжан ШЫНДӘУЛЕТ,
Ақсу ауданы әкімінің баспасөз хатшысы
Сурет — ғаламтордан
