Қазақстан Премьер-министрі Олжас Бектенов Қытайдың жетекші құрылыс компаниясы CITIC Construction Co., Ltd. төрағасы Ян Цзяньцянмен кездесті. Тараптар инфрақұрылымды жаңғырту мен ауыл шаруашылығы саласындағы ынтымақтастық мәселелерін талқылады.
Бұл туралы 7-su.kz желілік басылылымы хабарлайды.
Кездесу барысында келесі бірлескен жобалардың орындалу барысы сөз болды:
-
Талдықорған – Өскемен (768 км) және Қарағанды – Балқаш (363 км) автожолдарының реконструкциясы;
-
Caspi Bitum зауытын жаңғырту.
Премьер-министр жобалардың сапалы әрі уақытында аяқталуының маңыздылығын атап өтіп, Қазақстан Үкіметі тарапынан ынтымақтастықты жалғастыруға дайын екенін білдірді.
Өз кезегінде CITIC Construction басшысы Ян Цзяньцян агроөнеркәсіп кешені саласында ынтымақтастықты кеңейтуге мүдделі екенін айтты. Ол ауыл шаруашылығы өнімдерін терең өңдеуге бағытталған бірлескен жобаларды жүзеге асыру мүмкіндігін де қарастыруды ұсынды.
Фото: ҚР Үкіметінің баспасөз қызметі
