Наурыздың 1 жұлдызы Қазақстан бойынша сирена іске қосылып, республика аумағында азаматтық қорғаудың құлақтандыру жүйесі тексерілмек.
Бұл туралы «JETISỲ» газеті сайты Төтенше жағдайлар министрлігінің баспасөз қызметіне сілтеме жасап хабарлайды .
Ведомство таратқан ақпаратта шараның дүниежүзілік азаматтық қорғаныс күні аясында өтетіні, аталған әрекеттің 1 наурыз сағат 9.00-ден 12.00 аралығында жүргізілетіні ескертілген.
«Төтенше жағдайлар туралы халықты құлақтандыру және хабардар ету — тұрғындарды табиғи құбылыстардың әртүрлі факторының әсерінен болатын апаттың немесе жойқын әсердің салдарынан қорғауға мүмкіндік беретін негізгі қауіпсіздік шарасы. Құлақтандыру жүйесін тексеру кезінде электр дабылдарын және сиреналық сөйлеу құрылғылары (дауыс зорайтқыштары) қысқа мерзімге қосылады, сонымен бірге теледидар және радиоарналарының эфирі ұсталады, интернет-ресурстар мен мобайл қолданбаларда ақпарат орналастырылады», — делінген хабарламада.
Фото: ашық дереккөзден
«ЖЕТІСУ» АҚПАРАТ
