Қазақстанда 2025 жылғы 1 сәуірдегі жағдай бойынша зейнеткерлердің орташа зейнетақы мөлшері 143 622 теңгені құрады. Бұл туралы ҚР Еңбек және халықты әлеуметтік қорғау министрлігі мәлімдеді, деп хабарлайды 7-su.kz.
Министрліктің дерегінше, аталған соманың ішінде ынтымақты зейнетақы 95 963 теңгені, ал базалық зейнетақы 47 659 теңгені құрап отыр.
Жыл басынан бері республикалық бюджеттен зейнетақы төлемдеріне 1 триллион 44,3 миллиард теңге бағытталған. Оның ішінде:
-
Базалық зейнетақы төлемдеріне – 337,6 миллиард теңге,
-
Ынтымақты зейнетақыға – 706,7 миллиард теңге бөлінген.
Сондай-ақ, министрлік 2025 жылғы сәуір айының басында елдегі зейнеткерлер саны 2 миллион 465 мың адамға жеткенін хабарлады.
Айта кетейік, Қазақстанда зейнетақы жүйесі базалық, ынтымақты және жинақтаушы бөліктерден тұрады. Алынған соңғы деректер елімізде зейнетақы көлемінің біртіндеп өсу үрдісін көрсетіп отыр.
Фото: zakon.kz
