Оның айтуынша, облыстық жолаушы көлігі және автомобиль жолдары басқармасы жолаушылар тасымалы байқауының жеңімпаздарымен жасалған келісімшартта тасымалдау қағидасына сәйкес кемшілік жіберген. Анықталған заң бұзушылықтар негізінде департамент басқармаға тиісті хабарлама жолдап, шарт мерзімі өзгеріп, қосымша келісім жасалып, хабарлама талаптары орындалыпты. Сондай-ақ, биыл «Қорғас» шегара маңы ынтымақтастығы халықаралық орталығы» «Арнайы экономикалық аймағының басқарушы компаниясы» акционерлік қоғамының еншілес «Қорғас-Коммерц», «Қорғас-Энерго» және «Қорғас-Сервис» жауапкершілігі шектеулі серіктестіктері бәсекелестікке қарсы заң бұзушылықтарды жою туралы сот шешімін орындап, бұрынғы форматтағы қызметтерін тоқтатқан. Департамент жоғарыда аталған компанияларды жекешелендіруді және оларды бәсекелестік ортаға беруді ұсынған.
– Бұл оларға нарық жағдайында жұмысын жалғастыруға мүмкіндік береді, – дейді Маржан Тынысбекқызы.
Брифингте департаменттің былтырғы желтоқсандағы №11-НҚ бұйрығымен бекітілген мемлекеттік кәсіпорындар акцияларының (жарғылық капиталға қатысу үлестерiнiң) 50 пайыздан астамы мемлекетке тиесілі заңды тұлғалардың және олармен үлестес тұлғалардың қызметіне мониторинг жүргізудің жоспары да айтылды. Оған облыстағы 36 квазимемлекеттік сектор кіреді. Аталған кестеге сәйкес 1 тоқсанда жүргізілген мониторинг қорытындысы бойынша «Жастар» спорт клубының жарғысына монополияға қарсы органмен келісілмеген қызмет түрлері енгізілгені анықталыпты. Жарғыны дене шынықтыру және спорт басқармасы бекітіп, тіркеу және жер кадастры бөлімінен қайта тіркеуден өткен, алайда спорт клубтары мен командалар қызметін жүргізуге монополияға қарсы органның келісімі болмаған. Сондай-ақ, Ақсу ауданындағы Сағабүйен балалар саз мектебінің монополияға қарсы органның келісімінсіз құрылғандығы анықталыпты. Оларға нұсқама беріліп, кемшіліктер түзетілген.
Бүгінде департамент 10 қаңтардағы №1-НҚ бұйрығымен бәсекелестікті қорғау саласындағы заңнаманың талаптарын сақтауда мемлекеттік қолдау шараларын көрсететін тұлғалардың қызметіне мониторинг жүргізу жұмысын жалғастыруда.
Брифинг соңында департамент өкілі журналистердің сұрақтарына жауап берді.
Қажет АНДАС
