Синоптиктер 28 сәуірге арналған ауа райы болжамын жариялады, деп хабарлайды 7-su.kz желілік басылымы.
«Қазгидромет» РМК болжамына сәйкес, Астанада найзагай ойнап, күндіз бұршақ жауады. Желдің екпіні – 15-20 м/с.
Ақмола, Солтүстiк Қазақстан, Қостанай, Павлодар, Қарағанды, Ұлытау, Шығыс Қазақстан, Абай, Атырау, Батыс Қазақстан, Маңғыстау, Алматы, Жетiсу, Түркістан, Жамбыл және Қызылорда облыстарында найзагай ойнап, бұршақ және күштi жел болады.
Көптеген өңiрлерде өрт қаупі жоғары. Ақтауда күндіз шаңды дауыл болады. Түркістан мен Қызылорда облыстарында шаңды дауыл және жоғары өрт қаупі болжанған.
Тағы көбiр өңiрлерде түнде және таңертең тұман түсуі мүмкін.
Фото: 7-su.kz / Мәулен Әнербай
