Алматы облысының көлік полицейлері Қаңтар оқиғасы кезінде ұрланған оқ-дәрілерді тапты.
Алматы облыстық көліктегі полиция департаментінің бастығы Оңал Бекеевтің айтуынша, жедел ақпаратты тексеру кезінде Еңбекшіқазақ ауданы Бәйтерек ауылының маңынан 5,45 мм калибрлі 59 патрон мен 1 граната табылып, тәркіленді. Бұларды Алматы қаласындағы жаппай тәртіпсіздік кезінде қаскүнемдер ұрлап кеткен. «Аталған факті бойынша Қылмыстық кодекстің 287-бабы (оқ-дәрілерді заңсыз сақтау) бойынша сотқа дейінгі тергеу жүргізілуде», — деп атап өтті полиция генерал-майоры.
«ЖЕТІСУ-АҚПАРАТ»
