Қазақстанның бірқатар өңірлерінде 29 сәуірге дауылды ескерту жарияланды, – деп хабарлайды 7-su.kz ақпараттық порталы.
Атырау облысының оңтүстік-шығысында өрт қаупі жоғары деңгейде сақталады.
Ақтөбе облысының орталығында түнде және таңертең тұман түседі. Солтүстігінде ауа температурасы -2 градусқа дейін төмендейді. Облыстың оңтүстігінде өрт қаупі жоғары.
Түркістан облысының таулы аудандарында күндіз қысқа мерзімді жаңбыр жауып, найзағай ойнайды. Солтүстік-шығыс бағыттағы желдің екпіні 15-20 м/с-қа дейін жетеді.
Батыс Қазақстан облысының солтүстік-батысында күндіз жаңбыр мен найзағай күтіледі. Шығысында түнде және таңертең тұман болады. Оңтүстік-батыстан соққан желдің жылдамдығы 15-20 м/с. Солтүстігінде ауа температурасы -3 градусқа дейін төмендейді. Орал қаласында күндіз жаңбыр жауып, найзағай болады, түнде тұман түседі, жел екпіні 20 м/с-қа дейін күшейеді.
Абай облысында солтүстік-шығыс бағыттағы желдің екпіні 15-20 м/с. Батысында түнде -2 градус аяз күтіледі. Облыс орталығында өрт қаупі жоғары.
Шығыс Қазақстан облысының оңтүстігінде жел солтүстік бағытта соғып, екпіні 15-20 м/с-қа жетеді. Шығысында түнде -3 градус үсік жүреді.
Солтүстік Қазақстан облысының солтүстігінде күндіз жаңбыр жауып, найзағай болады. Оңтүстігінде түнде және таңертең тұман күтіледі. Оңтүстік-батыстан соққан желдің жылдамдығы 15-20 м/с. Батысында өрт қаупі жоғары.
Жетісу облысының шығысында солтүстік-шығыс бағыттағы желдің екпіні 15-25 м/с-қа дейін күшейеді. Оңтүстігінде өрт қаупі өте жоғары деңгейде сақталады.
