Қазақстанда салынатын алғашқы атом электр стансысының атауы қараша айының соңына қарай жариялануы мүмкін, деп хабарлайды 7-su.kz ақпарттық порталы Qaz365.kz. сайтына сілтеме жасап.
Бұл туралы Қазақстанның Атом энергиясы жөніндегі агенттігі төрағасының орынбасары Ғұмар Серғазин мәлімдеді.
– Қазір конкурстық комиссия 27 мыңға жуық ұсыныстың ішінен ең лайық нұсқаларды сұрыптап жатыр. Комиссия отырысы өткізіліп, қорытынды шешім қабылданады. Жауап осы айдың соңына дейін белгілі болады деп ойлаймын, – деді ол.
Еске салайық, АЭС-ке атау таңдауға арналған байқауға өтінімдер 25 қыркүйек пен 10 қазан аралығында қабылданды. Байқау үлкен қызығушылық тудырып, елдің түкпір-түкпірінен 10 мыңға жуық ұсыныс келіп түсті.
