1, 7 және 9 мамыр күндері Халыққа қызмет көрсету орталықтары жұмыс істемейді. Бұл туралы «Азаматтарға арналған үкімет» мемлекеттік корпорациясы хабарлады.
Мекеме мәліметінше, Қазақстан халқының бірлігі күні, Отан қорғаушылар күні және Жеңіс күніне байланысты барлық ХҚКО мен мамандандырылған ХҚКО-лар жабық болады.
Ал 2 және 11 мамыр күндері кезекші орталықтар қызмет көрсетеді. Бұл күндері ХҚКО-лар сағат 9:00-ден 13:00-ге дейін жұмыс істейді. Мамандандырылған ХҚКО-ларда өтініштерді қабылдау 12:00-ге дейін жүргізіледі, ал дайын құжаттарды 13:00-ге дейін алып кетуге болады.
Мереке күндерінен тыс уақытта барлық орталықтар, оның ішінде кезекші бөлімшелер де, әдеттегі жұмыс кестесі бойынша қызмет көрсетеді. Кезекші ХҚКО мен мамандандырылған ХҚКО-лардың нақты тізімін 1414 байланыс нөмірі арқылы білуге болады.
