Әдетте біз улы газда біз иіс бар деп ойлаймыз. Шын мәнінде, мүлде олай емес. Көмірқышқыл газында ешқандай иіс жоқ, сондықтан, оның ауада бар-жоғын арнайы жабдықсыз анықтау мүмкін емес екенін ескеріңіз!
Көмірқышқыл газының негізгі улы компоненті – көміртегі тотығы. Көміртегі тотығы (СО) – түсі, иісі, дәмі жоқ газ. Оның таза түрінде сарымсақтың өте әлсіз, әдетте түсініксіз иісі бар. Адам оны деммен жұту кезінде сезбейді, сондықтан, улану байқалмайды.
Бұл газдың ең көп таралған көздері – пештегі жарықтар, бітелген мұржалар, ауа жүруі қиындаған құбырлар. Мұндай ақаулардан көміртегі тотығы тұрғын үй-жайларға тарайды. Пешке таза ауаның жетіспеуі үйде көміртегі тотығының жиналуына ықпал етуі мүмкін. Үйлердің тығыз құрылымдары көміртегі тотығымен улану қаупін арттырады, өйткені, олар еркін желдетуді қамтамасыз етпейді. Осылайша, тұрғын үй ғимараттарында пештер мен басқа да жылыту құралдарын пайдаланған кезде сақтық шараларын ұстаныңыз әрі немқұрайлы қарамаңыз! Жауапсыздықтан асқан қорқынышты және қауіпті ештеңе жоқ екенін ұмытпаңыз! Бұл қалпына келтірілмейтін ауыр салдарға әкелуі мүмкін.
Құрметті Талдықорған қаласының тұрғындары! Жеке секторда қатты отынмен жұмыс істейтін пеш жабдықтарына салғырт қараймын деп соңында өкініп қалып жүрмеңіз! Қыс қарсаңында пештеріңізге назар аударыңыз, өзіңізді және отбасыңызды қайғылы салдарға ұшыратпау үшін жылу жүйелерін ретке келтіріңіз.
Ержан ӘДІЛХАНОВ,
Талдықорған қалалық төтенше жағдайлар бөлімінің аға инженері, азаматтық қорғаныс аға лейтенанты
Алматы облысы
