Көксу аудандық орталық ауруханасына ҚР Парламентінің Мәжіліс депутаты Керімбек Болат Бақбергенұлы және Жетісу облысының депуттары келді. Олар ауруханада атқарылған жұмыстармен және жетістіктермен танысты. Көксу аудандық орталық ауруханасының директоры Жаннұр Мәуленұлының мәліметінше, мұндағы қызметкерлердің 80%-ы жастар. Жас мамандарға қолдау зор. 2024 жылы 12 жас дәрігер жұмысқа орналасты. Оның 3-не облыс әкімдігі 10 млн теңге көлемінде бір реттік үстемақы тағайындады. Инновациялық технологиямен қамту көрсеткіші 92% құрайды.
Сондай-ақ, аудандық деңгейдегі халыққа медициналық қызметтің қолжетімділігі және қызмет сапасын көрді. Болат Бақбергенұлы дәрігерлермен кездесу өткізіп, емін-жарқын әңгімелесті. Өзекті мәселерді сұрап, елімізде атқарылып жатқан жұмыстарды атап өтті. Жалпы, аудандық аурухана заман талабына сай жабдықталып, ақ халатты жандарға жұмыс жасауға жақсы жағдай жасалғанын тілге тиек етіп, жақсы деген баға берді.
Ризашылығын білдіріп, дәрігерлер ісіне сәттілік тіледі.
Ұлт саулығы — мемлекет болашақ негізі екенін айтты. Сондықтан денсаулық саласына ерекше назарда екенін айтып, тарқасты.
