Тазалық – табыс бастауы. Осы ұранды ұстанған ТАЭТК АҚ ұжымы қала экологиясын жақсартуға бағытталған игі іске белсенді түрде атсалысты.
Олар Абылай хан және Алмалы көшелерінің қиылысында орналасқан теміржол маңын күл-қоқыстан тазартып, айналаны абаттандыру жұмыстарын жүргізді. Акция барысында шөп-шалаң мен шашылған тұрмыстық қалдықтар тазартылып, қураған ағаштар кесілді.
Сенбілікке 400-ге жуық қызметкер қатысып, 5 бірлік техника жұмылдырылды. ТАЭТК ұжымы алдағы уақытта да экологиялық жұмыстарды тұрақты өткізуді жоспарлап отыр.
С. КӘКІМҰЛЫ
