Қазақстанның Төтенше жағдайлар министрлігі ел тұрғындарына шұғыл ескерту жасап, балаларды жабық автокөлік ішінде жалғыз қалдырмауға шақырды, – деп хабарлайды 7-su.kz ақпараттық порталы.
Аптап ыстықта автокөлік салоны санаулы минут ішінде қауіпті деңгейге дейін қызып кетеді. Шарасыз қалған кішкентай балалар үшін бұл жағдай орны толмас өкінішке әкелуі мүмкін. Соңғы күндері еліміздің бірқатар өңірінде ауа температурасы +45°С-қа дейін көтеріліп, қауіптің беті одан әрі арта түсті.
Көптеген жүргізушілер көлікті көлеңкеге қою немесе терезені сәл ашып кету баланы қауіптен қорғайды деп қате ойлайды. Алайда, ғылыми зерттеулер мен ТЖМ мамандарының сараптамасы мүлде басқа шынайылықты көрсетеді.
Автокөліктің әйнектері күн сәулесін ішке оңай өткізгенімен, жылуды сыртқа шығармай, «жылыжай эффектісін» түзеді. Сырттағы температура +30-35°С шамасында болған күннің өзінде, жабық салон 10-15 минут аралығында +50-60°С-қа дейін қызады.
Бұл жағдайдың бала ағзасы үшін қауіптілігі мынада:
-
Терморегуляцияның әлсіздігі: Балалардың денесі ересектерге қарағанда 3-5 есе жылдам ысып кетеді.
-
Жылу соққысы: +40°С-тан асқанда баланың ішкі органдарының жұмысы бұзыла бастайды.
-
Сусыздану: Көлік ішіндегі ыстық пен ауаның жетіспеушілігі тыныс алуды қиындатып, қан айналымын нашарлатады.
Тіпті терезені кішкене саңылау етіп ашып кету де салон ішіндегі ауаны салқындатуға жеткіліксіз.
Балалардың өмірі мен денсаулығын сақтау үшін қарапайым, бірақ аса маңызды ережелерді әрдайым есте ұстаған жөн. Құтқарушылар әрбір ата-ана мен жүргізушіге мынадай қадамдарды әдетке айналдыруды ұсынады:
-
Ешқашан жалғыз қалдырмаңыз: Дүкенге немесе шаруамен 2-3 минутқа шықсаңыз да, баланы көлік ішінде қалдырмау шарт.
-
Мұқият тексеріңіз: Автокөліктен шығарда артқы орындықты тексеруді дағдыға айналдырыңыз. Өзіңізге ұмытпас үшін жеке затыңызды (сөмке, телефон) артқа қойсаңыз болады.
-
Кілтті жасырыңыз: Көлікті үнемі құлыптап, кілтін балалардың қолы жетпейтін жерде ұстаңыз. Көп жағдайда балалар ойын барысында көлікке кіріп, ішінен жауып алады.
-
Бейжай қарамаңыз: Егер көшеде, автотұрақта жабық көлік ішінде жалғыз қалған баланы байқасаңыз, дереу 112 немесе 102 нөміріне хабарласыңыз. Егер баланың жағдайы нашарлап бара жатса, айналадағы адамдарды көмекке шақырып, оны тез арада сыртқа шығарудың амалын жасаңыз.
Аптап ыстық сақталған жаз күндері сақтық шараларын күшейту өмірді с
