Соңғы тәулікте Алматы облысында коронавирустың зертханалық жолмен расталған 13 286 жағдайы тіркелді. Сырқаттың өсімі облыс бойынша салыстырмалы түрде соңғы екі аптада 0,8-ден 0,9 пайызға дейін өскен. Облыс әлі де «сары аймақта». Бұл туралы «Жетісу» газеті мәлімдеді.
Өткен тәулікте 177 адам індет жұқтырды, өсім деңгейі – 1,4 пайыз. Соның ішінде Талғар ауданында – 33, Талдықорған қаласында – 32, Жамбыл ауданында – 22, Еңбекшіқазақ ауданында – 20, Балқаш ауданында – 15, Іле, Қарасай аудандарында – 15, Талғар, Еңбекшіқазақ аудандарында – 11-ден, Балқаш, Панфилов аудандарында – 6, Алакөл ауданында – 3, Қапшағай қаласында – 8, Көксу, Панфилов аудандарында – 6-дан, Ақсу ауданында – 4, Ұйғыр ауданында – 3, Қаратал, Кербұлақ, Кеген аудандарында – 2-ден тіркелді.
Олармен 451 адамның байланыста болғаны анықталды. Олар медициналық бақылауда, үй карантиніне алынды.
Өткен жылдың 1 тамызынан бері анықталмаған пневмонияның 2579 жағдайы тіркелді. Соңғы тәулікте медициналық көмекке өз бетімен жүгінген 30 адамнан осы сырқат анықталды: Іле ауданында – 9, Кеген ауданында – 1, Қапшағай қаласында – 17, Талдықорған қаласында – 3. Сырқаттармен байланыста болған 56 адамның бәрі де медицина мамандарының бақылауында, үй карантинінде жатыр.
Облыста осы күнге дейін ПТР тестілеуден 511 287 адам өтті. Соңғы 3 күнде 6087 адам тексерілді. Ауруханаларда 1351 адам ем алуда, 25-сі – ауыр халде. Бір тәулікте ауруханаға 155 адам түсті. Төсек орын жүктемесі – 60 пайызға толды.
«ЖЕТІСУ-АҚПАРАТ»
