Көктемнің соңғы айы – мамырда елімізде ауа температурасы климаттық нормадан жоғары болады, деп хабарлайды 7-su.kz желілік басылымы.
Синоптиктердің болжамынша, мамыр айында орташа ауа температурасы нормадан 1°С жоғары болады. Бұл — еліміздің көптеген өңірінде күн жылдағыдан ерте жылынады деген сөз. Сонымен қатар, жауын-шашын көлемі орташа мөлшерден төмен болады деп күтілуде.
Алғашқы онкүндік – найзағай, жел, дауыл
Айдың алғашқы онкүндігінде ауа райы құбылмалы болады. Найзағай ойнап, жауын жауады, жел екпіні күшейіп, оңтүстік-батыс өңірлерде дауыл тұруы мүмкін. Мұндай құбылыстар әсіресе Батыс Қазақстан, Атырау, Маңғыстау және Қызылорда облыстарында байқалады.
Ай ортасы мен соңында күн жыли түседі
Мамырдың екінші және үшінші онкүндігінде температура біртіндеп жоғарылай бастайды:
-
Түнгі уақыттарда: +2…+7 °C-тан +10…+15 °C-қа дейін
-
Күндізгі уақытта: +10…+15 °C-тан +25…+30 °C-қа дейін көтеріледі.
Яғни, ай соңында нағыз жазғы жылылық сезіле бастайды.
Жалпы болжам: жылы әрі құрғақ көктемнің соңы
Қазгидрометтің болжамынша, мамыр айы жылы әрі салыстырмалы түрде құрғақ болмақ. Бұл егіс науқанына оң әсерін тигізуі мүмкін, алайда кей өңірлерде ылғал тапшылығы байқалуы да ғажап емес.
Фото: pixabay.com
