Бүгін «Әдеп нормаларын сақтау: басты қағидаттар мен негіздері» тақырыбында Панфилов ауданы әкімі аппаратының мемлекеттік қызметшілерімен онлайн форматта семинар кеңес өтті. Бұл туралы «Жетісу» газеті хабарлады.
«Мемлекеттік қызметшілердің Әдеп кодексінің жалпы жүріс-тұрыс стандарттарына бірқатар пункттер кіреді. Мемлекеттік қызметші адал, әділ, сыпайы, қарапайым болуға, азаматтармен және әріптестерімен қарым-қатынаста жалпы қабылданған моральдық-этикалық нормаларды сақтауға міндетті. Данышпан Абай Құнанбайұлы:
«Қайрат пен ақыл жол табар, Қашқанға да қуғанға.
Әділет-шапқат кімде бар,
Сол жарасар туғанға», — немесе: «Адам баласын заман өсіреді. Кім де кім жаман болса, замандасының бәрі кінәлі», — деген. Әрине, менмендік, өркөкіректік, астамшылық ешкімге абырой әпермейді. Адам баласы мемлекеттік қызметте ғана емес, барлық жерде әдеп сақтаса, арыз-шағым, өкпе-реніш те анағұрлым аз болар еді. Адамға айтылған жақсы сөз, ізгі ниет оның кеудесіне қуаныш ұялатып қана қоймай, өзіңе де шапағаты тиетіні анық. Отанға, туған елге абыроймен қызмет ету – әрқайсымыздың мәртебелі міндетіміз», — делінген Алматы облысы әкімінің әдеп жөніндегі уәкілі Ғабит Тұрсынбайдың желідегі жазбасында.
«ЖЕТІСУ-АҚПАРАТ»
