Шекарашылар декларацияланбаған қаражатты алып өтпек болған азаматты ұстады. Бұл жайында Tengrinews.kz тілшісі Ұлттық қауіпсіздік комитетінің сайтына сілтеме жасап хабарлады.
ҚР Ұлттық қауіпсіздік қызметі ШҚ Алматы облысы бойынша департаментінің «Қорғас» шекаралық бақылау басқармасы өкілдері Қытай еліне кетіп бара жатқан Қазақстан азаматын ұстады. Заң бұзушы азаматтан қызметтік иттің көмегімен 49 244 АҚШ доллары мөлшерінде қаражат табылды.
Комитет мәліметінше, қазіргі уақытта ұсталған ер адам белгіленген тәртіп бойынша «Нұр жолы» кедендік бекеті қызметкерлерінің тексеруінде отыр.
«ЖЕТІСУ-АҚПАРАТ»
