Қазақстан азаматтары үшін маңызды өзгеріс: 2026 жылдың 1 қаңтарынан бастап жеке құжаттарды рәсімдеу құны қымбаттайды. Президент Қасым-Жомарт Тоқаев қол қойған 2026-2028 жылдарға арналған республикалық бюджетте жаңа Айлық есептік көрсеткіш (АЕК) мөлшері бекітілді. Бұл туралы 7-su.kz ақпараттық порталы хабарлайды.
Паспорт, жеке куәлік және жүргізуші куәлігінің құны төмендегідей:
• Балалар паспорты (24 бет, 16 жасқа дейін) – 17 300 теңге (4 АЕК)
• Стандартты паспорт (36 бет) – 34 600 теңге (8 АЕК)
• Қалың паспорт (48 бет) – 51 900 теңге (12 АЕК)
• Жеке куәлік – 865 теңге (0,2 АЕК)
Жеке куәлігін бір жылда екі реттен көп жоғалтқан азамат 1 АЕК көлемінде айыппұл төлейді (4 325 теңге).
• Жүргізуші куәлігін алу немесе ауыстыру – 5 406 теңге (1,25 АЕК)
Отбасылық жағдайға қатысты құжат бағасы:
• Неке қию туралы куәлік – 4 325 теңге
• Ажырасу туралы куәлік – 8 650 теңге (2 АЕК)
Туу туралы куәлік бұрынғыша тегін беріледі.
Жоғалтып алған жағдайда қайта жасау құны:
• 2 163 теңге (0,5 АЕК)
Мемлекеттік баждан босатылатын азаматтар:
• Кеңес Одағының Батырлары, «Халық қаһарманы» иегерлері
• «Алтын алқа», «Күміс алқа» иегерлері
• ҰОС ардагерлері және оларға теңестірілгендер
• Мүгедектігі бар жандар және мүгедек бала асырап отырған ата-аналар
• Мемлекет қамқорлығындағы балалар және қарттар
• Чернобыль апатынан зардап шеккендер
