Еліміздің бірқатар аймақтарында қар, боран, көктайғақ және тұман болады, деп хабарлайды 7-su.kz ақпараттық порталы «Қазгидромет» РМК-ға сілтеме жасап. Кей жерлерде желдің екпіні секундына 25 метрге дейін жетеді.
Елордада кейде қар жауып, боран соғып, жолдар көктайғақ болады. Оңтүстік-батыстан соққан желдің екпіні 15–20 м/с дейін жетеді.
Ақмола облысының солтүстігі мен шығысында қар, көктайғақ және боран болады. Көкшетауда жел 20 м/с жылдамдықпен соғады.
Абай облысында түнде және күндіз қар, төмен боран, көктайғақ болады. Түнде және таңертең кей жерлерде тұман түседі.
Шығыс Қазақстан облысында қар мен боран, көктайғақ және тұман байқалады. Желдің екпіні 20 м/с дейін жетеді.
Алматы облысының оңтүстігі мен таулы аймақтарында тұман мен көктайғақ байқалады. Алматы қаласында түнде және таңертең тұман түседі.
Жетісу облысының таулы аймақтарында көктайғақ пен тұман болады. Алакөл маңында желдің екпіні 23–28 м/с дейін күшейеді.
Жамбыл облысының оңтүстігі мен тауларында тұман және көктайғақ байқалады. Кей жерлерде желдің екпіні 20 м/с дейін жетеді.
Түркістан облысының оңтүстігі мен батысында, сондай-ақ таулы аудандарда тұман түседі. Шымкент пен Түркістан қалаларында көріну қашықтығы төмендейді.
Қарағанды облысында қар жауып, кей жерлерде боран соғады. Желдің екпіні 15–20 м/с дейін жетеді.
Қостанай облысында жаңбыр мен қар түрінде жауын-шашын болып, көктайғақ пен төмен боран байқалады.
Павлодар облысында күндіз қар жауып, желдің екпіні 20 м/с дейін күшейеді.
Батыс Қазақстан облысында түнде және таңертең тұман түсіп, Орал қаласында көріну нашарлайды.
Маңғыстау облысында күндіз шаңды боран болады.
Қызылорда облысының орталығы мен шығысында тұман байқалады.
Синоптиктер тұрғындарға ауа райының нашарлауына байланысты сақтық шараларын қатаң сақтау қажеттігін ескертеді. Жолға шығатын жүргізушілерге аса мұқият болу ұсынылады.
