1993 жылы 12 қарашада Қазақстан Республикасы Президентінің «Қазақстан Республикасының ұлттық валютасын енгізу туралы» Жарлығы шықты. Бұл, тәуелсіздігін алған жас мемлекетке толыққанды банк секторын қалыптастыруға мүмкіндік берді.
1993 жылы 15 қарашада теңге айналымға енді. Содан бері бұл күн Ұлттық валютаның ресми күні болып саналады. Бүгінгі таңда теңге – тәуелсіздіктің экономикалық негізі, егемендік символы, Қазақстанның жаңа тарихы мен болашағының толыққанды бөлігі.
Міне, содан бері қазақстандық қаржыгерлері мен банк қызметкерлері жыл сайын 15 қарашада өздерінің төл мерекесін атап өтіп келеді.
Қаржыгерлер мерекесінің қарсаңында Панфилов ауданының әкімі Марат Сағымбек өңірдегі бір топ қаржыгерді қабылдап, оларды кәсіби мерекелерімен құттықтады. Кездесуде әкім еліміз тәуелсіздік алғанан кейінгі жалақы мен зейнетақыға қаржы тапшылығын сол кезеңдегі банк қызметкерлерінің қиындықтары мен қажыр-қайратын еске алды.
Кездесу соңында өмір бойы банк саласында еңбек етіп келе жатқан «Жаркент – финанс» микроқаржы ұйымы банкінің директоры Тастан Енкежековке зейнеткерлік жасқа толуына орай Қазақстан Қаржыгерлер қауымдастығының «Еңбегі үшін» қоғамдық медалін кеудесіне тағып, аудан әкімінің құттықтау хатын тапсырды. Өңір тұрғындары атынан ұлтымыздың салтымен иығына шапан жапты.
Салтанатты шарада зейнеткерлік демалысқа жасы толған аудандық әкімдіктің экономика бөлімінің маманы, қаржыгер Қуандық Мұсабековке, банк қызметкері Мейіргүл Қабықайқызына және аудандық әкімдіктің Ішкі саясат бөлімінің бухгалтері Мария Аманбайқызына да көрсетілді. Банк қызметі саласының ардагері Кеңесбек Сералиев аудан әкімінің Алғыс хатымен марапатталды.
Мырзағали Нұрсейіт
