Комплаенс-офицер А. Сұлтанбек және ШЖҚ «Жетісу Медиа» МКК басшысының уақытша міндетін атқарушысы М. Дауталинова «Жетісу» газетінің ұжымымен кездесу өткізді.
Кездесу барысында ұйымның қаржылық дамуы мен қауіпсіздігін қамтамасыз ету мәселелері кеңінен талқыланды. Іс-шара аясында қызметкерлерге қаржылық сауаттылық қағидалары, сондай-ақ қаржылық тұрақтылықты сақтау және жауапкершілікті арттыруға бағытталған нақты шаралар туралы толық ақпарат берілді.
Сонымен қатар ұжым мүшелеріне қаржылық тәуекелдердің алдын алу, қаражатты тиімді әрі жауапкершілікпен басқару мәдениетін қалыптастырудың маңызы түсіндірілді.
Кездесудің негізгі мақсаты – қызметкерлердің қаржылық тәуекелдер жөніндегі хабардарлығын арттыру және ұйым ішінде қаржылық тәртіп пен жауапкершілік қағидаларын нығайту.
