«Қазгидромет» РМК деректеріне сәйкес, еліміздің бірқатар өңірінде қолайсыз ауа райы болжанып отыр, – деп хабарлайды 7-su.kz ақпараттық порталы.
Тұман: Жамбыл, Жетісу, Түркістан, Ақмола, Қостанай, Қарағанды, Ұлытау, Солтүстік Қазақстан, Павлодар, Батыс Қазақстан, Атырау, Ақтөбе, Маңғыстау, Қызылорда облыстары.
Жел: Жетісуда 22 м/с дейін, Шығыс Қазақстан және Абай облыстарында 25 м/с дейін.
Қар, мұз, боран: Шығыс Қазақстан, Абай, Солтүстік Қазақстан, Павлодар облыстары.
Аймақтар бойынша болжам
Жамбыл облысы (27-28 қараша): кей аудандарда тұман байқалады. Солтүстік-шығыс желі оңтүстік-батысқа ауысып, таулы өңірлерде екпіні 15-20 м/с жетеді.
Жетісу облысы (27-28 қараша): түнде және таңертең солтүстікте, таулы аудандарда тұман болады. Оңтүстік-шығыстан соққан жел шығыс бөлікте 17-22 м/с дейін күшейеді.
Түркістан облысы (27-28 қараша): оңтүстік пен таулы аймақтарда тұман түседі.
Шығыс Қазақстан облысы (27 қараша): күндіз солтүстікте жаңбыр мен қар аралас жауын, жаяу бұрқасын, көктайғақ байқалады. Түнде және таңертең оңтүстік және орталық аумақтарда тұман тұр. Жел бағыты оңтүстік-шығыстан солтүстік-батысқа ауысады, солтүстікте және шығыста екпіні 15-20, күндіз 23 м/с дейін жетеді.
Абай облысы (27 қараша): күндіз батыс, солтүстік және орталық өңірлерде жаңбыр мен қар, бұрқасын және көктайғақ орын алады. Түнде және таңертең шығыс пен оңтүстікте тұман байқалады. Жел оңтүстіктен солтүстік-батысқа ауысып, 15-20, екпіні 25 м/с дейін артады.
Солтүстік Қазақстан облысы (27 қараша): солтүстік және шығыс бөліктерде аздаған жаңбыр мен қар, көктайғақ, жаяу бұрқасын тіркеледі. Батыс пен оңтүстікте тұман болады. Солтүстік-батыстан соққан жел 15-20 м/с дейін күшейеді.
Павлодар облысы (27 қараша): солтүстік, батыс және шығыс аудандарда аралас жауын, бұрқасын және көктайғақ байқалады. Желдің екпіні 15-20 м/с.
Ақмола, Қостанай, Қарағанды, Ұлытау, Батыс Қазақстан, Атырау, Ақтөбе, Маңғыстау, Қызылорда облыстары (27 қараша): түнде және таңертең өңірлердің жекелеген бөліктерінде тұман түседі.
