2025 жылдың қаңтар-шілде айларында Қазақстанға 134 366 жаңа және қолданыстағы жеңіл көлік әкелінді. Бұл көрсеткіш өткен жылдың сәйкес кезеңімен салыстырғанда 59,4%-ға артық, – деп хабарлайды 7-su.kz cайтына сілтеме жасап Finratings.kz сайтына сілтеме жасап.
Импорттағы көшбасшылар
Елімізге әкелінген көліктердің басым бөлігі Қытайдан жеткізілді. Бұл елден келген көліктер саны шамамен 2,5 есе артып, 94 606-ға жетті. Сонымен қатар, АҚШ пен Жапониядан жеткізілім азайған.
Көлік импорты бойынша ТОП-10 ел:
-
Қытай – 94 606 (+247,5%)
-
АҚШ – 12 891 (-29,3%)
-
Жапония – 10 377 (-11,2%)
-
Оңтүстік Корея – 6 411 (-23,9%)
-
Ресей – 5 912 (+217,9%)
-
Германия – 1 817 (+23,3%)
-
Канада – 605 (-41,6%)
-
Мексика – 358 (+90,4%)
-
Словакия – 250 (+257,7%)
-
Ұлыбритания – 218 (+79%)
Айта кетейік, биыл Өзбекстаннан небәрі үш көлік әкелінген. Ал өткен жылы бұл елден бірде-бір автомобиль тіркелмеген.
Қазақстаннан экспорт
Аталған кезеңде елден 683 жеңіл көлік сыртқа шығарылды. Негізгі бағыттар:
-
Қырғызстан – 240 көлік
-
Беларусь – 104 көлік
-
Қытай – 100 көлік
Сарапшылардың айтуынша, Қытай көліктерінің үлесі артуы қазақстандық тұтынушылардың қолжетімді әрі сұранысқа ие модельдерді таңдауымен байланысты. Ал АҚШ пен бірқатар елдерден импорт көлемі керісінше қысқарған.
