Бүгін, 22 қазан күні еліміздің 14 облысында ауа райының қолайсыздығына байланысты дауылды ескерту жарияланды, – деп хабарлайды 7-su.kz ақпараттық порталы «Қазгидромет» РМК баспасөз қызметіне сілтеме жасап.
Маңғыстау облысында өрт қаупі жоғары деңгейде сақталады.
Атырау облысында түнде және таңертең солтүстік, шығыс және орталық бөліктерде тұман түсіп, өңірдің көп бөлігінде жоғары және төтенше өрт қаупі бар.
Жамбыл облысының таулы аудандарында тұман күтіліп, желдің жылдамдығы секундына 15–20 метрге дейін жетуі мүмкін. Бірқатар аумақтарда төтенше өрт қаупі сақталады.
Батыс Қазақстан облысының солтүстік-шығысында қатты жаңбыр жауып, түнде және таңертең тұман түседі, желдің екпіні 15–20 м/с дейін күшейеді.
Абай облысының солтүстігінде тұман, оңтүстігінде жоғары өрт қаупі болуы мүмкін.
Қарағанды облысында желдің күші 15–20 м/с дейін жетеді.
Ұлытау облысының оңтүстігінде төтенше, басқа аймақтарында жоғары өрт қаупі бар.
Ақтөбе облысының батысы мен орталығында төтенше, оңтүстігі мен шығысында жоғары өрт қаупі сақталады.
Қызылорда облысында да өрт қаупі жоғары деңгейде.
Қостанай облысында тұман күтіліп, оңтүстігінде желдің екпіні 15 м/с дейін жетеді. Өңірдің оңтүстігінде төтенше, оңтүстік-батысында жоғары өрт қаупі бар.
Жетісу облысында Алакөл көлдері маңында жел 15–25 м/с дейін күшейіп, түнде солтүстігінде 1–3°С аяз болуы мүмкін.
Павлодар облысының батысында, солтүстігінде және шығысында тұман болады.
Солтүстік Қазақстан облысында да тұман түседі.
Ақмола облысының солтүстігі мен шығысында тұман, оңтүстік-батысында жоғары өрт қаупі болжанған.
