«Қазгидромет» РМК-ның баспасөз қызметі сейсенбіге арналған ауа райы болжамын бөлісті, – деп хабарлайды 7-su.kz ақпараттық порталы.
2-3 желтоқсанда Түркістан облысының батысында, оңтүстігінде, таулы аудандарында және орталығында тұман түседі деп болжанып отыр.
Ақтөбе облысының солтүстігі мен шығысында да тұман болады деп болжанады.
Күндіз Солтүстік Қазақстан облысының батысында көктайғақ күтіліп отыр. Сондай-ақ облыстың батысында, солтүстігінде, шығысында және орталығында тұман түсуі мүмкін.
Түнде және таңертең Атырау облысының батысында да тұман байқалуы мүмкін.
Ақмола облысында түнде солтүстігі мен шығысында, күндіз батысы, солтүстігі және шығысында көктайғақ болуы ықтимал. Сонымен қатар облыстың батығында, солтүстігінде және шығысында тұман түсуі болжанып отыр. Көкшетауда да 2 желтоқсанда тұман болуы мүмкін.
Түнде және таңертең Абай облысының шығысында, оңтүстігінде тұман түсуі ықтимал. Таңертең және күндіз облыстың солтүстігі мен орталығында шығыстан, оңтүстік-шығыстан жел соғады, екпіні 15-20 м/с.
Шығыс Қазақстан облысының солтүстігі мен оңтүстігінде түнде және таңертең тұман байқалуы мүмкін. Күндіз облыстың оңтүстік-шығысында шығыстан, оңтүстік-шығыстан жел соғып, күші 15-20 м/с-қа жетеді.
Қызылорда облысының солтүстігі мен орталығында да тұман болады деп болжанады.
Батыс Қазақстан облысының батысында, солтүстігінде, шығысында және орталығында да тұман түсуі мүмкін.
Түнде және таңертең Алматы облысының оңтүстігі мен таулы аудандарында тұман байқалуы мүмкін.
Қарағанды облысының батысы мен солтүстігінде таңертең және күндіз көктайғақ болуы ықтимал. Сонымен қатар облыстың солтүстігінде, шығысында және орталығында тұман түсуі мүмкін.
Павлодар облысының солтүстігі, батысы, шығысы және орталығында да тұман болжанып отыр.
Ұлытау облысының солтүстігі, шығысы және орталығында тұман түсуі мүмкін.
Маңғыстау облысының батысында күндіз нөсер жаңбыр жауады деп болжанған. Түнде және таңертең облыстың солтүстік-шығысы мен орталығында тұман түсуі ықтимал. Ақтауда 2 желтоқсанда күндіз кей уақыттарда қатты жаңбыр жаууы мүмкін.
Қостанай облысының солтүстігінде көктайғақ болуы ықтимал. Облыстың батысында, солтүстігінде және шығысында тұман байқалуы мүмкін. Қостанай қаласында да 2 желтоқсанда түнде көктайғақ пен тұман болуы мүмкін.
Астанада 2 желтоқсанда тұман түсуі болжанып отыр.
Жетісу облысының шығысында және таулы аудандарында түнде және таңертең тұман байқалуы мүмкін. Солтүстік-шығыстан соққан жел Алакөл көлдері ауданында 15-20 м/с-қа дейін күшеюі ықтимал.
