Желіде «Алтын-Емел» ұлттық паркі аумағында түсірілген қар барысының видеосы тарады, – деп хабарлайды 7-su.kz ақпараттық порталы.
Видео Instagram парақшасында жарияланған. Парк қызметкері, мемлекеттік инспектор Ерлан Молдахметов аумақты жоспарлы аралау кезінде қар барысын видеоға түсіріп алған.
«Бұл – сирек әрі аса құнды кадрлардың бірі. Қар барысы Қазақстанның Қызыл кітабына енген, оның табиғи ортада еркін мекендеуі экожүйенің тұрақтылығы мен сақталуының маңызды көрсеткіші саналады», – делінген жарияланымда.
Алтын-Емел – Жетісу облысындағы ірі мемлекеттік ұлттық табиғи парк, еліміздегі ең танымал туристік нысандардың бірі. Оның негізі 1996 жылы қаланған. Парк аумағы ландшафтының әртүрлілігімен ерекшеленеді: мұнда шөлді аймақтар, тау сілемдері, каньондар мен далалы алқаптар бар.
Сондай-ақ парк өзінің бірегей табиғатымен және Қызыл кітапқа енген құландар, қарақұйрықтар мен басқа да сирек кездесетін жануарларымен танымал.
Посмотреть эту публикацию в Instagram
Публикация от «Алтын-Емел» мемлекеттік ұлттық табиғи паркі (@altynemel_np)
