Алматы облысының төтенше жағдайлар департаменті «Қазгидромет» РМК-ның хабарламасы негізінде маңызды ескерту жариялады. Бұл жайында «Жетісу» газеті хабарлады.
2021 жылдың 20-21 наурызында Алматы облысында оңтүстік-батыстан солтүстік-шығысқа қарай қатты жел соғады. Желдің екпіні кей жерлерде 15-28 м/с, кей жерлерде 30 м/с және одан да көп болуы мүмкін. Сондай-ақ, Алматы облысының кей жерлерінде қалың тұман түседі деп күтілуде.
Алматы облысының ТЖД азаматтарды ауа райының өзгеруін бақылауға және сақтық шараларын ұстануға шақырады.
«ЖЕТІСУ-АҚПАРАТ»
