Сейсенбі, 9 желтоқсан күні сағат 10:00-де Үкімет үйінде кезекті Үкімет отырысы өтеді. Жиында елдің көлік-транзит саласын дамыту және осы бағыттағы цифрландыру жұмыстары негізгі тақырып болады.
Отырыс барысында теміржол, автожол және жалпы транзиттік инфрақұрылымның қазіргі жағдайы, сондай-ақ көлік саласындағы цифрлық шешімдерді енгізу бағытында атқарылып жатқан жұмыстар талқыланады.
Отырыс қорытындысы бойынша баспасөз конференциясы өтеді. Брифингке ҚР көлік министрі Нұрлан Сауранбаев, «ҚТЖ» ҰК» АҚ басқарма төрағасы Талғат Алдыбергенов және «ҚазАвтоЖол» ҰК» АҚ басқарма төрағасы Дархан Иманашев қатысады.
Үкімет отырысының тікелей таратылымы PrimeMinister.kz сайтында, Үкіметтің YouTube арнасында, Facebook желісінде және UKIMET Telegram-каналында жүргізіледі.
