Облыстық полиция департаменті ұлттық құндылықтарды насихаттауға бағытталған игі бастамаларды тұрақты түрде жүзеге асырып келеді. Соның бір көрінісі ретінде Ұлттық домбыра күніне орай тәртіп сақшылары «Алтынемел» мемлекеттік ұлттық табиғи паркінің көрікті мекені – Әнші құмда тағылымды іс-шара ұйымдастырды.
Табиғат аясында күмбірлеген күй мен табиғаттың тылсым әуені үндесіп, ерекше рухани атмосфера қалыптасты. Полицейлер қазақтың халық күйлерін орындап, ұлттық өнерге деген құрметін білдірді.
Шараның басты мақсаты – домбыраның қадір-қасиетін дәріптеу, ата-баба мұрасын ұлықтау, жас ұрпақтың бойына ұлттық рух пен отансүйгіштік қасиеттерді сіңіру. Киелі мекенде орындалған күйлер қатысушыларға ерекше әсер сыйлап, ұлттық бірегейлік пен рухани құндылықтардың маңызын тағы бір мәрте айшықтады.
Дастанбек САДЫҚ
