Аспанасты елінде Халықаралық әйелдер күні барынша тыныш өтеді әрі онша еленбейді. Қытайлықтар бұл мерекеге сәл басқаша мағына берді. Өйткені, олар «әйел» сөзін жасы 35-тен асқан ханыммен байланыстырады.
Осы жасқа келмеген қытайлық әйелдер өздерін «бойжеткен» деп атағанды жөн көреді. Жас және үйленбеген қыздар тіпті өздерінің жеке мерекелерін белгілеп алған. Ол күн ретінде 7 наурыз — Жас арулар күні аталып өтеді.
8 наурыз күні Қытайда аналар мен тұрмысқа шыққан әйелдерді құттықтау әдетке айналған. Мереке қарсаңында ер адамдар сүйікті жарларына ашықхаттар алып, кішігірім сыйлық пен құмырадағы гүл алады. Қытайлықтардың көбі бұл күні өздерінің үйдегі ханымдарын үй шаруасынан босатып, сол күні мерекелік дастарқанды дайындауды өз мойындарына алуға тырысады.
Қытайда 8 наурыз — барлық жұмыс істейтін әйелдердің де мерекесі. Басшылық бұл күні өздерінің нәзік жанды қызметкерлеріне қомақты үлестері үшін алғыс білдіреді, ал 2014 жылдан бері көптеген компания әйелдерді арнайы сыйақымен марапаттайды.
«Жетісу-Ақпарат»
Фото: ru.123rf.com
