Талдықорған колледжінде пилотсыз ұшу аппараттары жиналады. Онда дрон-операторлары жасалады.
Биыл оқу орны базасында арнайы бөлімше ашылды. Онда қондырғыларды әртүрлі салада пайдалану жоспарлануда.
Думан Алиасқар колледжде 2 жыл автоматтандыру және роботтандыру пәнінен сабақ береді. Ол оқу жылы басынан студенттерге ұшқышсыз ұшу аппараттарын жинауды үйретуде. Бұған дейін ол біліктілікті арттыру курстарынан өткен.
– Бірінші кезекте біз ұшқышсыз ұшу аппараттарымен жұмыс істеуде мамандар даярлау міндетін қоямыз. Бұл жерде студенттер осы машиналарды жетілдіруді, олардың қандай түйіндерден тұратынын анықтауды, оларға қосымша функциялары бар бағдарламаларды таңдауды үйренеді, – дейді оқытушы Думан Алиасқар.
Студенттер арасында «қашықтан басқарылатын авиациялық жүйе» мамандығы бойынша курстардан өтуге ниет білдірушілер көп. Тіпті, олар қосымша сабақтарда қалады. 3-курс студенті Заида Құрмашева солардың бірі. Айтуынша, ол колледжде осы мамандық ашылған кезде қатты қуаныпты. Себебі, ол болашақта осы сала бойынша жұмыс істеймін деп мақсат қойған.
Мұнда дрондарды жинап қана қоймай, оларды басқаруға үйретіледі. Құрылғы әртүрлі салада, алдымен ауылшаруашылығында егістіктерді зиянкестерден мониторингтеу және бүрку, іздеу жұмыстары мен өрттің алдын алу кезінде төтенше жағдайлар қажеттіліктері үшін қолданылады. Дрондарды құрастыруда өндіріс желісінің бәрі жұмыс атқарады.
Оқу орны тораптардың бір бөлігін шарт бойынша сатып алады, бір бөлігін 3D-принтерде дайындайды. Мұнда қондырғылар GPS-тен іздеу жүйелері мен жылу түсіргіштерге дейін көптеген қосымша модульден басталады. Жергілікті кәсіпкерлер мамандарды даярлаудың жаңа бағыты туралы білу үшін бұл жерде «Ашық есік» күні ұйымдастырылды.
Шаруа қожалығының басшысы Қанат Байсалбаев бүгінде осындай мамандар даярланатынына өте қуанышты екенін, осындай дрондарды қолдана отырып мал қарауға мүмкіндік туып отырғанын және мұның болашағы зор мамандық болатынына сенімділігін айтты.
Айта кетейік, облыста 5 бағыт бойынша кәсіптер атласы құрылды. Өткен жылы жұмысшылардың тапшылығы ескеріле отырып, 20 мемлекеттік колледж базасында 13 жаңа мамандық ашылды.
– Біздің өңірге ауылшаруашылығы саласының мамандары, соның ішінде қант өндірісіндегі желі операторлары, кран машинистері, биохимик-зертханашылар, балық шаруашылығы мамандары, хауз-шеберлер, механиктер қажет. Сондықтан біз биыл 11 колледжде қосымша 14 мамандық ашамыз, – дейді облыстық білім басқармасы басшысының орынбасары Әли Солтанбеков.
Колледж түлектерінің бірден жұмыс табуы үшін аймақтағы 62 кәсіпорынмен ынтымақтастық орнатылды. Облыстық білім басқармасының мәліметінше, өткен жылы Жетісу орта-техникалық оқу орындары түлектерінің 86 пайызы жұмысқа орналасқан.
Айгүл БАЙБОСЫНОВА
Фото: ru.childdevelop.com.ua
