Талдықорған қаласында туған күнін атап өткен жасөспірімдер белгі беретін (сигналды) тапаншаны ойын үшін пайдаланған.
Құқық бұзушылық полиция қызметкерлерінің назарынан тыс қалған жоқ. Тәртіп сақшылары мерекелік басқосуды тоқтатып, жасөспірімдерді анықтап, тексеру жүргізу үшін полиция бөліміне жеткізді.
Ведомство мәліметінше, барлық қатысушы бөлімшеге жеткізіліп, тапанша сараптамаға алынды. Түнгі уақытта заңсыз түрде үйден тыс жүргені үшін жеті жасөспірім ата-аналарымен бірге жауапкершілікке тартылды. Қалғандары тыныштықты бұзғаны үшін әкімшілік жауапқа тартылды.
Полиция өкілдері тіпті әзіл ретінде жасалған әрекеттердің де қауіпті салдарға әкеп соғуы мүмкін екенін ескертті.
«Жетісу-Ақпарат»
