«Қазгидромет» РМК синоптиктерінің болжамына сәйкес, 17 сәуір күні ел бойынша ауа райы тұрақсыз болады. Бұл солтүстік-батыс циклоны мен атмосфералық фронттардың әсерінен.
Көптеген өңірлерде жаңбыр жауады, аймақтардың бірқатарында қар түсуі мүмкін. Ал батыс және орталық аймақтарда антициклон жотасының әсерінен ауа райы ашық және жауын-шашынсыз болады.
Ел бойынша жел күшейеді. Оңтүстік өңірлерде тұман түсіп, дауыл болуы мүмкін.
Түнгі уақытта бірғатар аймақтарда 1-3 градус үсік болжанады. Әсіресе, топырақ бетіндегі үсік төмендегі облыстарда жүреді:
-
Ақмола облысының солтүстік-батысы;
-
Ақтөбе облысының солтүстігі;
-
Қостанай облысының батысы мен шығысы;
-
Солтүстік Қазақстан облысының батысы мен солтүстігі;
-
Қарағанды және Шығыс Қазақстан облыстарының солтүстігі мен шығысы;
-
Алматы облысының шығысы мен таулы аудандары;
-
Жетісу облысының солтүстігі мен орталығы;
-
Жамбыл облысының оңтүстігі.
Фото: 7-su.kz / Мәулен Әнербай
