Жетісу облысында ер адам өзеннен арқан арқылы өтпек болған кезде қатты ағысқа түсіп кетіп, оны су ағызып әкеткен, деп хабарлайды 7-su.kz ақпараттық порталы ҚазТАГ сайтына сілтеме жасап.
«Азамат “Н”-нің жоғалу фактісі бойынша полиция қылмыстық іс қозғады. Алдын ала мәліметтерге сәйкес, ол тартылған арқан арқылы өзеннен өтпек болған кезде тайып кетіп, өзенге құлаған және қатты ағыс оны ағызып әкеткен. Полиция қызметкерлері, әскери қызметшілер, құтқарушылар, басқа да ведомстволар мен еріктілердің қатысуымен ауқымды іздестіру жұмыстары ұйымдастырылды. Қазіргі уақытта іздеу шаралары жалғасып жатыр», – деп түсіндірді Жетісу облысы полиция департаментінің баспасөз қызметі.
Интернетте оқиға болар сәттің алдында түсірілген деп болжанатын видео таралып жатыр. Кадрларда ер адам өзеннен арқан арқылы өтпек болып жатқан сәті көрінеді, бір мезетте оның аяғы тайып кетіп, ол әрең ұсталып тұрады, ал аяқтарын қатты ағыс тарта бастайды. Одан кейін видео үзіліп қалады.
