Академик Мұхтар Өтелбаев атындағы 7-8 сынып оқушыларына арналған «Ойлан тап» республикалық математика олимпиадасында Жетісу облысының намысын қорғаған дарынды оқушылар жоғары нәтиже көрсетті, деп хабарлайды 7-su.kz ақпараттық порталы.
Зияткерлік сайыста өңіріміздің үздік білімпаздары өз білімдері мен логикалық ойлау қабілеттерін сынап, республика деңгейінде үздіктер қатарынан көрінді.
Олимпиада қорытындысы бойынша:
3-орын
– Ернар Берікбол, «Білім-Инновация» мамандандырылған лицей-интернатының оқушысы.
Арнайы грамота иегерлері:
– Іңкәр Тойлыбай, №20 мамандандырылған лицейінің оқушысы
– Исламбек Мұрат, №20 мамандандырылған лицейінің оқушысы
Жүлдегер Ернар Берікбол жарыс туралы өз әсерімен бөлісті:
«Бұл олимпиада мен үшін үлкен тәжірибе болды. Қиын есептерді шешу арқылы өз мүмкіндігімді сынап көрдім. Жүлделі орын алғаныма қуаныштымын. Осындай мүмкіндік берген ұстаздарыма және мектеп ұжымына алғыс білдіремін», – деді ол.
Айта кетейік, бұл олимпиада дарынды оқушыларды қолдау және ғылыми ойлау қабілеттерін дамыту мақсатында ұйымдастырылған.
Жетісулық оқушылардың бұл жетістігі – өңіріміздің білім сапасының, ұстаздар еңбегінің және жас ұрпақтың тынымсыз еңбегінің жарқын көрінісі.
Облыс әкімдігі мен білім басқармасы жеңімпаздарды шын жүректен құттықтап, алдағы білім додаларында сәттілік тіледі.
