Жетісу облысында 1952 жылы туған ер адамды іздестіру жұмыстары аяқталды, – деп хабарлайды 7-su.kz ақпарттық порталы.
Ол 28 сәуір күні үйінен белгісіз бағытта шығып кетіп, қайта оралмаған. Осыған байланысты құтқару қызметтері жедел іздеу жұмыстарын бастаған.
Іздеуге Төтенше жағдайлар министрлігінің күштері мен құралдары жұмылдырылып, жергілікті аумақтар жан-жақты тексерілді. Сондай-ақ ұшқышсыз ұшу аппараты қолданылды.
Жүргізілген іздестіру шараларының нәтижесінде ер адам Талдықорған қаласынан шамамен 15 шақырым қашықтықта, «Ұйтас» саяжай қоғамы маңынан табылды.
Құтқарушылар оны дереу қауіпсіз жерге жеткізді. Дәрігерлердің көмегі қажет болған жоқ.
